Ish- trajneri i Vllaznisë dhe i disa skuadrave të tjera, Mirel Josa, do të rikthehet sërish në pankinë për të drejtuar pas pak muajsh pushim që kaloi sepse në ditët e ardhshme ai pritet të zyrtarizohet në krye të skuadrës së njohur.
Bëhet fjalë për atë të Prishtinës. Gazeta “Shkodra Sport” mëson se drejtuesit e klubit kryeqytetas e kanë marrë tashmë vendimin dhe do ta konkretizojnë në ditët në vijim. Por fillimisht do të mbyllin gjithçka me trajnerin aktual Emanuel Egbo.
Ky i fundit nuk arriti dot të fitonte as Kupën e Kosovës dhe si rrjedhojë drejtuesit e Prishtinës kanë ndër mend të bëjnë rrokadë në pankinë duke rikthyer Mirel Josën.
Tekniku i njohur e ka drejtuar këtë skuadër edhe në vitin 2017 dhe duket se ka lënë përshtypje të mirë me punën e bërë, prandaj dhe skuadra kryeqytetase dëshiron ta ketë përsëri në pankinën e saj edhe për sezonin e ri./www.shkodrasport.com/
