Nga Endri ÇINARI
Kombëtarja u19 e Shqipërisë do nisë grumbullimin për ndeshjet kualifikuese të Europianit ditën e hënë. Kuqezinjtë e vegjël do përpiqen të kalojnë në Elite Round, pas 3 ndeshjeve që do zhvillohen në Shqipëri. Ekipi i drejtuar nga Ervin Bulku, tashmë prej kohësh njeh edhe kundërshtarët.
Në këtë mënyrë çdo llogari do hapet në datën 15 nëntor, ku përballë do jetë Irlana. Në datën 18, kundërshtari i kuqezinjëve do jetë edhe më i fortë dhe këtu bëhet fjalë për Belgjikën. Kualifikueset do mbyllen me ndeshjen e datës 21 të nëntorit, ku përballë do jetë Sllovenia. Një grup shumë i fortë ky për Shqipërinë.
Për këtë arsye, trajneri Bulku pritet se brenda pak orësh të zyrtarizojë edhe listën. E ndërkohë “Shkodra Sport” ka mësuar në mënyrë ekskluzive dy emra që do jenë pjesë e grumbullimit. I pari është Tomas Kiri, portieri i dalë nga akademia Vllaznia, por që është pjesë e Kastriotit, i huazuar nga Tirana. Ku gardiani konsiderohet si një nga pikat e forta të formacionit.
I dyti nga sa mësohet do jetë Ersi Zaganjori, mesfushori i Vllaznisë që të hënën bëri edhe debutimin në Superiore. Një shkodran tjetër që pritet si pjesë e listës është edhe Elton Fikaj, mbrojtësi që është pjesë e Panathinaikos. Tashmë na duhet të presim nëse do ketë emra të tjerë nga Shkodra, në momentin që do zyrtarizohet lista.
