Sulmuesi shtatelarte anglez Majkell Ngoo pret qe te kurorezohet si kampion i Shqiperise me Tiranen por duket se e ardhmja e tij me pas nuk do te jete me ne Shqiperi.
Gazeta “Shkodra Sport” meson se per te, ka shfaqur ditet e fundit skuadra e njohur belge RDWM Molembek. Kjo e fundit vitet e fundit nuk ka kaluar momente te mira dhe prandaj ndodhet ne Ligen e pare te ketij vendi, por ne sezonin e ri pritet te kete ambicje serioze per t’u ngjitur ne Superlige.
Per kete arsye, po kerkojne te gjejne nje sulmues cilesor dhe dikush u ka sugjeruar sulmuesin e Tiranes. Per kete arsye, trajneri i ketij ekipi por edhe drejtues te tjere te tij kane nisur te interesohen per te.
Dhe gjeja e pare qe kane bere ka qene kontakti me nje emer shume te njohur te Molembek, shkodranin Ilir Kepa. Fakti qe ai eshte nga Shqiperia, i ka bere drejtuesit e kesaj skuadre te mendojne per t’i kerkuar ndihme atij per me shume informacione ne lidhje me kete lojtar.
Me siguri qe ish- sulmuesi i Vllaznise do te kete marre informacione nga miqte e tij ne Shkoder e Shqiperi dhe do t’ua kete transmetuar drejtuesve te Molembek, skuadres me te cilen ai luajti per tre sezone pas largimit nga vendi yne ne fillimin e viteve ’90.
www.shkodrasport.com
