Ekipi i volejbollit te meshkujve te Vllaznise do te luaje diten e sotme ndeshjen e kthimit ndaj Skenderbeut te Korces, per fazen play-off. Kujtojme ketu se, perballja e pare u fitua nga kuqeblute ne Korce me rezultatin e paster 0-3.
Ne fakt, ne ndeshjen e pare spikati kapiteni Nikolin Qafarena, si pikeshenuesi me i mire i takimit. Volejbollisti shkodran po kalon nje superforme dhe padyshim ne shume ndeshje, ai ka qene me i miri ne fushe, jo vetem me cilesi loje, por edhe me pike individuale te shenuara prej tij.
Ne nje interviste per “Shkodra Sport”, kapiteni Qafarena thote se sot ndaj Skenderbeut nuk do t’ia lejojne vetes nje hap fals per te shkuar ne nje ndeshje te trete, e cila me pas do te luhet ne Korçe.
Po ashtu, Qafarena ka “goditur” edhe njehere tjeter presidencen e shoqates, e cila deri me tani sipas tij nuk eshte ndjere aspak tek skuadra sa i takon aspektit financiar. Keshtu, sipas liderit te ketij ekipi, prej vitesh presidenti i vetem i volejbollit shkodran ka qene vetem Bashkia Shkoder.
Qafarena u shpreh se krijimi i shoqatave ka qene nje shkaterrim i madh nga ish-drejtuesit e Bashkise, ndersa theksoi se eshte e trishte situata qe po kalojne ekipet e shumesporteshit ne Shkoder aktualisht. Me poshte, mund te lexoni edhe pergjigjet e pyetjeve qe ai ka dhene per gazetarin e “Shkodra Sport”, Maringlen Zhivani.
-Qafarena, i prishet pune vetes duke humbur me Studentin, por ne Korce fituat, si ishte per ju kjo ecuri e dy ndeshjeve te fundit?
Humbja me Studentin ne Tirane te them te drejten na hapi pak pune per te arritur objektivin qe i kishim vendosur vetes si ekip per kete sezon. Arsyeja ishte faktori fushe qe do kishim ne favorin tone ne ndeshjet cerekfinale, duke ditur se perballe do kishim Skenderbeun e Korces, i cili ishte njeri nga rivalet qe kishim ne per zonen e play-offit kete sezon.
Prandaj, humbja me Studentin javen e fundit na beri qe ndeshjen e pare ta luajme ne Korce. Ndeshja ndaj Studentit dhe ajo cerekfinale e pare ndaj Skenderbeut ishin krejt te ndryshme. Me Studentin patem shume ulje-ngritje gjate lojes. Kjo na beri te gabojme shume ne momentet vendimtare te ndeshjes, c’ka solli edhe humbjen e saj. Me pas, ndeshja me Skenderbeun ishte nje paraqitje krejt tjeter e ekipit. Ishim shume me te sakte ne momentet kyce te lojes, c’ka solli edhe fitoren 3-0 ne transferte.
-E prisnit nje fitore 3-0 ne ndeshjen e pare ne Korce?
Ne kishim shkuar me objektiv te qarte per ta fituar ndeshjen ne Korce. Une personalisht e prisja fitoren. Ekipi ishte pergatitur per ta fituar ndeshjen dhe ne fakt u be nje ndeshje e forte dhe e bukur. Ekipi reagoi shume mire ne momentet vendimtare te lojes dhe u treguam te sakte. Kjo solli edhe fitoren e paster 3-0.
-Besoj qe sot nuk do ia lini rastesise per te shkuar ne nje ndeshje te trete ne Korce?
Jo, nuk besoj se do ia lejojme vetes si skuader nje hap fals, pasi i kemi te gjitha mundesite qe t’i mbyllim llogarite tona ne kete perballje qe diten e sotme dhe pastaj te mendojme per ndeshjet gjysmefinale, duke pasur parasysh qe Skenderbeun e kemi mposhtur ne te gjitha ndeshjet qe kemi pasur me te gjate ketij sezoni.
-Keni nje mesazh per tifozerine per t’ju mbeshtetur ndaj Skenderbeut?
Tifozeria na ka mbeshtetur vazhdimisht. Shpresoj qe edhe diten e sotme te na mbeshtesin ne kete perballje me Skenderbeun, ne menyre qe te na e bejne me te lehte kalimin per ne gjysmefinale.
-E fundit Qafarena, ne fillim te sezonit ne nje interviste per “Shkodra Sport” ju keni folur per problemet financiare tek sporti i volejbollit, por realisht si ka qene mbeshtetja financiare periudhen e fundit, ka pasur ndryshim per mire apo fjalet tuaja kane rene ne “vesh te shurdher”?
Ne fakt, ato fjale qendrojne perseri, pasi financime perveç Bashkise me sa di une nuk ka. Krijimi i ketyre formave te shoqatave po i themi nga ish-drejtuesit e kaluar te Bashkise Shkoder ka qene nje gabim i madh, per te mos thene krejt, nje shkaterrim per shumesporteshin ne Shkoder dhe kjo eshte per te ardhur keq kur sheh ekipe qe dikur ishin kampione dhe pretendente kryesor per kampion.
Ato, sot i sheh duke luftuar per te arritur zonen play-off ose edhe me keq, duke luftuar per te mos rene nga kategoria dhe kjo vjen si pasoje e mosfinancimit dhe keqmenaxhimit. Bashkia duhet te marre masa qe fondet qe programon per sportin, t’i menaxhoje vete ne te mire te ekipeve dhe jo t’u lere ne dore personave te dyte menaxhimin e ketyre fondeve. Kete qe po e them e them me bindje qe konkretisht per ekipin e volejbollit nuk ka pasur mbeshtetje tjeter, pervec Bashkise Shkoder.
Intervistoi: Maringlen ZHIVANI
