Vllaznia do luajë kundër Skënderbeut në javën e 13-të të Superligës. Një përballje jo edhe aq e lehtë duke parë edhe fitoren e fundit të korçarëve.
Tek “ujqërit” ka në përbërje edhe lojarë nga Shkodra dhe pikërisht Ardit Nikaj flet për “Shkodra Sport” para këtij dueli. Sulmuesi i ri tregon emocionet e debutimit në Superligë si edhe për duelin mes dy skuadrave.
Nikaj tha: “Rikthehem për herë të parë në Shkodër si një kundërshtar. Besoj se do kem një ndjenjë të veçantë. Unë u rrita tek akademia Vllaznia, por debutimin tim si profesionist ma dha Skënderbeu. Jam i lumtur që tashmë kam marrë edhe minutat e mia të para në kampionat, dua që të vijoj të marr sa më shumë minuta e të përmirësohem.
Forma e Skënderbeut ? Fitorja e fundit na ka sjellë poztivitet. Grupi është u bashkuar dhe në çdo ndeshje synohet marrja e pikëve në mënyrë që të largohemi nga fundi i tabelës.
Do festoj po shënova? Nuk mund të festoj asnjëherë kundër Vllaznisë sepse aty u rrita. Por nëqoftëse do shënoja do ishte një ëndërr për mua që golin e parë në Superligë ta realizoj në një stadium si “Loro Boriçi”. Gjithsesi si këtë pjesë ashtu edhe rezultatin do ia lëmë fushës së lojës ditën e dielë”.
Endri ÇINARI
