Edhe boksieri i fundit tek i cili ishin varur shpresat për të siguruar një biletë për në Lojërat Olimpike të Londrës që zhvillohen këtë verë. Bëhet fjalë për shkodranin Asmer Bilali. Ai është ndeshur për raundin e dytë kualifikues të turneut që po zhvillohet në Tranzon të Turqisë me rumunin Ionet George. Ndonëse është përpjekur shumë, boksieri ynë i peshës 69 kg nuk ka mundur dot të fitojë ndaj boksierit rumun që ka marrë pjesë edhe në Lojërat Olimpike të zhvilluara në Pekin katër vjet më parë. Në këtë mënyrë, me humbjen e Bilalit merr fund edhe aventura shqiptare në këtë tur të fundit kualifikues për në Olimpiadë. Para tij ishin eliminuar edhe Kristian Demaj, Xhulio Vrenozi dhe Taulant Zajmi. Sigurisht që mes boksierëve shqiptarë dhe të tjerëve ka disnivel për vetë kushtet ku stërviten dhe trajtimin që kanë. Megjithatë ata rivalizojnë gati si të barabartë dhe kjo është shumë pozitive. Fakti që Bilali në turin e parë mundi gjeorgjianin që ishte i treti në Europë, e tregon më së miri këtë gjë.
www.shkodrasport.com
