Elseid Hysaj nuk mund të mungonte në takimin e sotëm ndaj Turqisë. Mbrojtësi, edhe pse i dëmtuar, ka vendosur që të qëndrojë pranë ekipit për këtë sfidë, për t’i dhënë zemër ekipit dhe besimin që mund të fitohet ndeshja ndaj Turqisë.
Këtë besim ai e ka shprehur edhe për RTSH para sfidës, ku ka treguar se po përpiqet të kthehet sa më parë në fushën e lojës.
“Më vjen shumë keq që mungoj. Për këtë kam ardhur të shoh ndeshjen se nuk mund të rrija larg stadiumit e kombëtares. Vendosa të jem tifoz e shpresoj të sjell fat.
Sigurisht kam shumë besim, kam shumë besim te kombëtarja, djemtë janë të mirë, trajneri është shumë i mirë. Kam besim se mund të fitojmë e marrim tre pikët. Me të vërtetë e besoj. I takova djemtë dhe janë 100% gati për këtë ndeshje. Atmosfera është shumë e mirë, e rëndësishme se e dinë të gjithë që duhet të fitojnë, djemtë e kanë kuptuar. Besoj se do të jenë të qetë në menaxhimin e ndeshjes dhe besoj se do ta presim.
Falënderoj Memushajn për vlerësimin dhe më bëhet qejfi që lojtarët më mbështetën me shiritin se është e rëndësishme që skuadra të do për kapiten.
Do të bëj çmos të jem në nëntor për ndeshjen e radhës, për stadiumin e ri dhe kombëtaren”,. tha Hysaj. /vipsport/
