Lajmi qe ka qarkulluar dje ne lidhje me emerimet e reja ne krye te ekipeve kombetare te moshave, eshte zyrtarizuar diten e sotme. Ka qene vete Sekretari i Pergjithshem i FSHF-se Ilir Shulku ai qe ka prezantuar drejtorin e ekipeve kombetare dhe trajneret e rinj.
Ne mes tyre, siç eshte bere e ditur do te jete edhe Elvin Beqiri, shkodrani i mirenjohur i cili tashme do te nise nje detyre te re, ate te trajnerit te kombetares U17. Ne fakt, Beqiri e njeh mjaft mire kete ekip sepse ka qene deri me tani zevendestrajner i tij.
Nje emerim i tille padyshim qe eshte nje vleresim per ish-futbollistin e Vllaznise dhe te kombetares shqiptare Elvin Beqiri i cili pas karrieres se suksesshme si futbollist, tashme do te nise nje te tille edhe si trajner.
Duke folur sot para gazetareve Ilir Shulku eshte shprehur: “Xhemal Mustedanagiç do te jete drejtor i ekipeve kombëtare, konfirmohet Alban Bushi, Nevil Dede merr drejtimin e U19, Elvin Beqiri ekipin U17 dhe Armand Damo ekipin U15. I falënderojme Bogdandin dhe Memushajn”.
Më pas fjalën e mori Xhemal Mustedanagiç, i cili u shpreh: “Falënderoj trajnerët e rinj, Federatën për besimin që më ka dhënë. Jo rastësisht e kam përzgjedhur Shqipërinë, pasi mund të bëjmë gjëra të mëdha për futbollin shqiptar. Qëllimi kryesor është zhvillimi i futbollit shqiptar dhe i trajnerëve, për ta çuar sa më lart. I kam vëne detyrë gjithsecilit se çfarë duhet të bëjnë. Fillimisht të jenë drejtues sa më të mirë, të jenë autoritarë, me dijet e tyre që të dinë t’i shpjegojnë lojtarëve se çfarë kërkojnë”.
