Emri i tij ka dale se fundi te Vllaznia si nje perforcim i mundshem ne merkaton e janarit. Behet fjale per mbrojtesin shkodran Serjan Repaj i cili pas plot 4 vitesh tek Apolonia, ka vendosur te largohet prej saj. Ne nje interviste per median e shkruan, 24 vjeçari ka shpjeguar arsyen pse vendosi te mos rinovonte me fieraket, skuader me te cilen ka mbajtur edhe shiritin e kapitenit
“Më përfundoi kontrata dhe më pas nuk pranova rinovimin e saj. Mora gjithë kohën e nevojshme për të vendosur. Nuk ishte një vendim i lehtë, por ishte i duhuri në kohën e duhur. Çdo fillim e ka një fund, kështu që ky ishte fundi i aventurës time tek Apolonia.Kanë qenë 4 vite të mrekullueshme, ku u rrita jashtëzakonisht dhe mësova shumëçka rreth futbollit. Kam dhënë maksimumin, nga dita e parë kur u bëra pjesë e Apolonisë në Superiore e deri sot.
Do të mbaj mend këdo, trajnerët për çdo mësim të dhënë gjatë këtyre viteve, sepse pa këshillat e tyre nuk do isha ky që jam sot. Do të mbaj mend klubin për mundësinë e dhënë dhe besimin e krijuar ndër vite, si dhe shokët e skuadrës, të cilët më kanë mbështetur në çdo moment të keq dhe të mirë, brenda dhe jashtë fushës. Në fund, falënderoj përzemërsisht tifozët fierakë, të cilët ishin dhe do të mbesin gjatë në memorien time. Kam qenë realisht si në shtëpinë time këto katër vite”- eshte shprehur ai.
Nderkohe i pyetur ne lidhje me te ardhmen, teksa ditet e fundit ka dale edhe lajmi se mund te jete pjese e Vllaznise ngaqe prej disa kohesh eshte duke u stervitur me ekipin U21 te saj, Repaj nuk ka zbuluar asgje por eshte mjaftuar duke thene se po bisedon me disa ekipe dhe ne ditet e fundit te ketij muaji do te vendose se me cilin ekip do ta vazhdoje karrieren e tij.
“Momentalisht kam oferta konkrete nga Superiorja, por nuk do nxitohem. Jemi vetëm në fazë bisedimesh, ndaj nuk mund t’i përmend emra ekipesh. Nga ana tjetër, më duhet të stërvitem në mënyrë individuale për të rigjetur formën fizike. Megjithatë, do të studioj çdo ofertë deri në fund të këtij muaji dhe do të bëj zgjedhjen e duhur. Jam lojtar i lirë dhe si i tillë jam gati për një aventurë të re në futbollin shqiptar”- eshte shprehur Serjan Repaj.
