Sot eshte nje nga me te mire ne vend, por kuptohet qe gjate te kaluar ka patur edhe momente te veshtira ne karriere. Gjyqtari i njohur, Enea Jorgji, i ftuar në emisionin “Vizioni i Pasdites”, foli për karrierën e tij të gjatë në futboll.
I pyetur për momentin më të vështirë, Jorgji përmendi atë të gjashtë viteve më parë, Kukësi-Skënderbeu, pikerisht kur Hamdi Salihi i ka shqyer kartonin e nxjerre nga xhepi i tij.
“Momenti më i vështirë në karrierë ka qenë një ndeshje që vendosi sezonin, mes Kukësit dhe Skënderbeut. Me vendimmarrjet e mia atë kohe, u acaruan tifozët, por gjithçka është kaluar dhe gjithsecili duhet të kuptojë se nuk ishte Enea ai i asaj ndeshje.”, tha Jorgji.
Në atë ndeshje, fitoi Kukësi, por akuzat për Jorgjin ishin të shumta, për vendimet në dëm të Skënderbeut, pasi ajo ndeshje vendosi edhe titullin kampion, që e fituan verilindorët./cna/
