Vllaznia do të presë nesër në orën 16:45 Apoloninë. Ndeshja e “Loro Boriçit” vlen për javën e parë të Kategorisë Superiore. Në konferencë për mediat ka dalë trajneri Brdaric dhe kapiteni Erdenis Gurisht, që u shpreh se lojtarët janë gati dhe Vllaznia këtë sezon do jetë më mirë se vitet e fundit.
“E nisni si kapiten? Të përfaqësosh fanellën e Vllaznisë është privilegj dhe kënaqësi, të mbash shiritin të shton 2 fish përgjegjësitë. Do mundohem që këtë shirit ta mbaj me nder dhe gëzim.
Shumë ndryshime, si duket ekipi? Normal që kur lëvizin shumë lojtarë, fillimi është I vështirë pasi duhet koha për ambientim. Eshtë një Vllazni ndryshe, mendoj se do jetë më mirë se vitet e fundit.
Pretendent? Objektivi është që t’I marim ndeshjet një nga një. Pastaj do duhet të shohim veten ku jemi, ne, drejtuesit edhe tifozët.
Bojkoti? Sigurisht që bojkoti u zgjat shumë dhe është e vështirë si për ne dhe trajnerin, sepse prishen planet. Jemi munduar ta mbajmë gjendjen fizike me ndeshje miqësore. Besoj se jemi gati për nisjen e sezonit. Pika më e fortë? Grupi”, u shpreh Gurishta./newsport/
