Nëse ka një futbollist që duhet marrë shembull për përkushtimin e tij dhe mënyrën si e vlerëson fanellën e Vllaznisë, ai është Ergi Borshi.
Vërtetë është pjesë e ekipit të parë, por sa herë që i kërkohet të luajë me ekipin “B”, ai është i gatshëm. Dhe aktivizimi me këtë ekip nuk është sa për të kaluar rradhën.
Jep gjithnjë maksimumin nga vetja dhe duhet të jetë vërtetë shembull edhe për të tjerët. Në ndeshjen e para dy ditëve ndaj Partizanit B, Borshi ka mbajtur shiritin e kapitenit të “Vllaznia B”.
Ka luajtur mirë në mbrojtje, në pjesën e parë përkrah Kolës dhe në të dytën me Hoxhën, është munduar të bëjë rolin e linderit, madje edhe të golashënuesit.
Me një gjuajtje potente nga jashtë zone, ai ka shënuar golin e barazimit për kuqeblutë. Për gjithë këtë përkushtim, ka marrë vlerësimin e stafit teknik.
Ndryshe nga disa futbollistë të tjerë të ekipit të parë që kur u thuhet të shkojnë tek “B”-ja për të luajtur, krejt rastësisht “dëmtohen”.
© shkodrasport.com
