Ka qene pjese e stafit te ekipit te pare te Vllaznise deri dje, por tashme ka marre drejtimin e ekipit U21. E kemi fjalen per Ergi Borshin, nje djale te ri shume pasionant ne punen e tij. Dhe padyshim qe fale ketij pasioni per trajnimin, por edhe njohurive qe ai posedon, drejtuesit e klubit i kane caktuar atij kete detyre te re, te bindur se do ta beje ne menyren me te mire te mundshme.
Ka punuar per gati dy vite si trajner moshash tek Akademia “Vllaznimi” e me pas per nje periudhe te shkurter tek “Basania” FC para se te emerohej ne postin e zevendestrajnerit te Vllaznia U21, ne periudhen kur trajner i pare ishte anglezi Dean Sibson.
Nderkohe ne sezonin 2022-23, drejtuesit e klubit e ofruan tek ekipi i pare ne rolin e video- analistit, detyre qe ne fakt nuk e kishte shume per zemer dhe si rrjedhoje pas pak muajsh kaloi si zevendestrajner sepse i pelqen me shume te punoje ne trajnim.
Tashme do ta vazhdoje kete detyre, por me me shume pergjegjesi sepse i eshte besuar drejtimi i ekipit U21 si trajner i pare. Ai merr nje ekip qe eshte kampion ne fuqi i vendit dhe padyshim qe objektiv do te kete arritjen e sa me shume sukseseve me te, por edhe ne promovimin e elementit te ri./SHKODRA-SPORT.COM/
