Në finalen e dy ditëve më parë sëbashku me Uheid Hoxhën jo vetëm kanë qenë protagonistët kryesorë me golat që kanë shënuar i dhanë fitoren dhe Kupën Vllazninë, por Eridon Qardaku ka spikatur me performancën e paraqitur në “Elbasan Arena”.
Në një prononcim të dhënë për “Radio Shkodra” mesfushori- sulmues i kuqebluve është shprehur: “Jam i lumtur që dhashë kontributin tim në fitoren e kësaj ndeshje dhe në marrjen e Kupës. Kemi bërë një ndeshje të mirë dhe nuk mendoj se ka kush mendim tjetër përveçse atij që Vllaznia e meritoi në të gjitha drejtimet këtë trofe”.
Ndërkohë, i pyetur në lidhje me ndarjen e gëzimit, Qardaku e pranon se ka marrë shumë të tilla por ndërkohë zbulon diçka shumë interesante duke zbuluar edhe tifozin numër 1 të tij. “Mbështetësja ime më e madhe është nëna në fakt dhe jo babai dhe ajo është një motivim i madh shumë për mua në karrierën time”- shprehet ai.
Ndërkohë i pyetur në lidhje me të ardhmen, Qardaku shton: “Kam patur oferta për të shkuar e për t’u provuar në ekipe të tjera por dua të them se dëshira ime e madhe është që në fillim të debutoj me Vllazninë. Këtë gjë e kam patur ëndërr që në fëmijëri, por jemi në një moshë që ndoshta duhet të marrim fatet e jetës vetë në dorë, për të bërë zgjedhjen e duhur për veten dhe për familjen”.
© shkodrasport.com
