Luftëtari duket se po kthehet drejt rehabilitimit pas pikës së marrë por edhe premios me Partizanit. Në fakt, merita i takon trajnerit Gentian Mezani, ai cili nuk e ka lënë skuadrën për asnjë moment që të shpërbëhet, e madje edhe para apo në pushim të sfidës me të kuqtë është munduar që të karikoj skuadrën dhe të flasë me secilin futbollist.
Mezani tashmë është një trajner që ka karrierë në Superiore, madje ka ditur që të nxjerrë nga kriza shumë ekipe. E ka bërë dy herë me Flamurtarin që thuajse ka qenë i rënë nga kategoria, me Laçin që nga fundi i renditjes e çoi në Evropë e tashmë duket se historia po përsëritet te Luftëtari i Gjirokastrës, një skuadër me traditë dhe që në fakt ka shumë futbollistë me eksperiencë në gjirin e vet.
Bluzinjtë pritet që të likuidohen financiarisht, ndërsa “Vipsport” ka mësuar se kanë nisur edhe merkaton. Erjon Vucaj është emri i parë në listën e Luftëtarit për merkaton.
Eksperienca në Superiore dhe largimi i Rrocës, duket se ka bërë bluzinjtë që të afrojnë fantazistin nga Shkodra. Vucaj pritet që të takohet të enjten në kryeqytet me drejtuesit e skuadrës bluzi, aty ku firma duket çështje kohe./vipsport/
