Pamja e jashtme është thuajse e njëjtë. Ndoshta kanë të njëjtë edhe mënyrën e drejtimit të skuadrave dhe taktikat që përdorin. Për këtë arsye, ish- trajnerin e Vllaznisë Ernest Gjoka shpeshherë e krahasojnë me trajnerin e Interit Luciano Spalletti.
Mbase nuk shkon ky krahasim në aspektin e emrave sepse njëri drejton një skuadër të madhe italiane dhe europiane ndërsa tjetri…Kamzën. Megjithatë një krahasim të tillë e ka bërë edhe një ish- futbollist i Vllaznisë Ditmar Bicaj.
Ka qenë një postim në faqen e tij në facebook e trajnerit Gjoka teksa shfaq momente të analizës që zhvillon me ekipin dhe Bicaj ka bërë një koment që ka lidhje me këtë çfarë po shkruajmë. “Spalletti shqiptar”- shkruan futbollisti lezhjan dhe më pas vendos tre emoji duke duatrokitur një shprehje të tillë.
Kur ta lexojnë këtë krahasim shkodranët, sigurisht që do qeshin sepse ata e kanë ende inatin me Gjokën duke e konsideruar si një prej fajtorëve që çuan Vllazninë në kategorinë e parë. Megjithatë, ai vazhdon punën dhe sot është në drejtimin e një skuadre tjetër.
© shkodrasport.com
