Orjan Xhemalaj është një nga kualitetet e skuadrës së Erzenit të Shijakut. Një lojtar i dalluar në mesfushë, me një karrierë të pasur dhe aktivizime te Teuta, Dinamo apo dhe Besëlidhja.
Xhemalaj konsiderohet edhe si “truri” i mesfushës së Erzenit, ndërsa në një prononcim për “Vipsport.al”, me ndalesën e Vllaznisë, ai ka besim se gara hapet dhe bëhet më e bukur.
“Jam i bindur që ne shumë shpejt do të jemi afër Vllaznisë. Shkodranët vërtetë kanë një emër të madh dhe ekip të kompletuar, por Erzeni i këtij sezoni është një ekip me kualitete, solide dhe me synime madhore”.
GRUPI
“Grupi është shumë i mirë, pothuajse me lojtarë që kanë eksperiencë në ekipet më të mira të Kategorisë së Parë. Ka tek-tuk edhe lojtarë që kanë luajtur në Superiore. Natyrisht që rikthimi i Goxhajt e ka rritur shumë dinamizmin e skuadrës. Unë kam besim se ne do të jemi skuadra që do të rivalizojë me Vllazninë deri në fund të garës”.
TIFOZËT
“Unë u jam shumë mirënjohës, jam si i shtëpisë te Erzeni. Kam disa vite që luaj me këtë skuadër dhe dua të theksoj se ata janë me tëë vërtetë lojtari ynë i 12-të. Tifozët e Shijakut janë të etur për futbollin, e duan Erzenin dhe ne duam që këtë sezon t’i gëzojmë në fund. E dim që është e vështirë, por asgjë nuk është e pamundur”, – tha Xhemalaj, mesfushori 30-vjeçar i shijakasve./vipsport/
