Kete fundjave do te luhen sipas kalendarit ndeshjet e javes se 23-te te kampionatit te kategorise se pare, ndeshje keto qe jane te fundit e gjysmes se pare te fazes se trete te tij.
Vllaznia pas pushimit javen qe shkoi per shkak te kalendarit, kete jave do te rikthehet ne fushe dhe do te perballet me ekipin qe ka qene gjate gjithe sezonit, rivali kryesor i saj.
Kjo sfide do te luhet ne transferte per kuqeblute por nuk do te luhet te shtunen. Arsyeja eshte se Federata Shqiptare e Futbollit ka vendosur ta shtyje per te dielen sepse kjo ka qene kerkesa e RTSH, televizion qe ka te drejten e transmetimit te ketij kampionati.
Per kete arsye, eshte vendosur qe takimi te luhet diten e diele ne oren 15.00. Por nga ana tjeter mesohet se ndeshja do te luhet ne stadiumin e Shijakut, fushe ne te cilen Erzeni rikthehet pas shume javesh per shkak te denimit te saj.
Megjithate, edhe kete here do te kete njefare penalizimi per vendasit sepse ndeshja do te luhet pa pranine e tifozeve. Kjo eshte diçka pozitive per kuqeblute qe nuk do kene pengesen e tifozeve vendas megjithate per ta nuk eshte ndonje problem.Te dielen, ekziston mundesia qe edhe matematikisht Vllaznia te siguroje ngjitjen ne Superlige ne rast se fiton ndaj Erzenit.
© shkodrasport.com
