Tjeter paraqitje e sukseshme e atletit shkodran Franko Burraj dhe tjeter rekord i ri kombetar prej tij. Ka ndodhur keshtu pasditen e sotme ne garat eliminatore te disiplines se 400 metrave, te vlefshme per Lojerat Mesdhetare “Oran 2022” qe po zhvillohen ne Algjeri.
Atleti i Vllaznise ka bere nje gare te shkelqyer ne perfundim te se ciles ka arritur kohen e re 46″26, çka eshte nje rekord i ri kombetar ne 400 metra. Rekordi i meparshem mbahej po prej tij ne shifrat 46″48.
Siç shikohet, kemi te bejme me nje permiresim te ndjeshem te rezultatit te kesaj disipline dhe me punen qe ky atlet dhe trajneri i tij Bruno Rrotani bejne çdo dite, shume shpejt ai do te bjere poshte 46 sekondave.
Ne baterine ku ka konkurruar Burraj, eshte renditur i dyti dhe ne kete menyre ka siguruar edhe kualifikimin per ne finalen e kesaj disipline ku ai padyshim qe do te kete serish synimet e tij.
Por ajo qe te ben pershtypje eshte se Burraj ne kete aktivitet nuk eshte shoqeruar nga trajneri i tij. Kjo sepse emri i Rrotanit per çudi nuk ka qene i planifikuar ne listen e Komitetit Olimpik Kombetar Shqiptar, por ne te ka qene nje trajner tjeter, i cili edhe ai nuk ka qene i pranishem ne Algjeri!!!
Megjithate Burraj serish ia ka dale te nderoje veten, trajnerin e tij, Shkodren dhe Shqiperine me te rezultat fantastik te arritur dhe me siguri qe do te kete te tjere ne te ardhmen.
Gjergj KOLA
