Ndryshimi i stafeve teknike duket se do te sherbeje per mire edhe per shqiptaro-malazezin, Kristijan Vulaj. Ne seancat e fundit stervitore nen drejtimin e trajnerit Auron Miloti, ai duket nje lojtar krejt tjeter nga se c’ishte me pare me trajnerin Josa dhe dita-dites, fantazisti po mundohet t’i jape nje mesazh stafit te ri dhe trajnerit Miloti qe ai vlen per skuadren.
Te shtunen madje, Vulaj arriti te shenoje edhe nje supergol ne miqesoren ndaj U-19, duke ngrohur jo pak edhe trajnerin Miloti, i cili ne ndryshim nga Josa, ka vendosur t’i jape hapesirat e duhura ketij futbollisti. Ne fakt, shqiptaro-malazezi erdhi me shume buje ne rradhet e kuqebluve, por per arsye nga me te ndryshmet eshte lene teresisht ne hije nga trajneri i meparshem, Mirel Josa.
Megjithate, tashme largimi i trajnerit Josa nga pankina e Vllaznise ka qene si çlirim per te, ngaqe ai e pat deklaruar se nuk e kishte ne planet e tij Vulajn. Per kete arsye, nga tetori kur pat luajtur 45-minuta ne nje ndeshje Kupe ndaj Flamurtarit, u aktivizua edhe pak minuta pak kohe me pare ne ndeshjen e kthimit te Kupes ndaj Partizanit. Vetem kaq dhe asgje me shume sepse “nuk mund te ndryshohej skema e lojes, per hater te Vulajt”, sipas Joses.
Megjithate, tashme per Kristijan Vulajn duket se dite me te mira do vijne. Keshtu, edhe skuadra e Vllaznise pritet te fitoje nje futbollist me shume ne organike dhe kjo padyshim qe e ka bere te ndihet mire fantazistin shqiptaro-malazez, nje lojtar qe ka kontrate edhe sezonin e ardhshem me kuqeblute.
Maringlen ZHIVANI
