Dje në Mynih të Gjermanisë është zhvilluar ndeshja e rradhës në futboll ku FC Kosova e Mynihut nuk ka të ndalur duke fituar edhe ndeshjen e katert rradhazi.
Me përforcimet e reja që ka bere, ne mes te te cileve jane edhe dy futbollistet shkodran Ervin Hallunaj dhe Alis Baci, keto rezultate jane pjesë e suksesit jo vetëm te kryesisë së klubit por edhe e gjithë tifozëve të cilët po ndjekin nga afër lojën e mrekullueshme që po bëjnë futbollistët e FC Kosova në München.
Kështu, ato kanë zhvilluar katër ndeshje ne të cilat kanë arritur katër fitore duke marshuar kështu drejt kreut të tabelës se renditjes, e për gjithë këtë punë duket se trajneri i ekipit Bajram Kaqkini del më shumë se i kënaqur.
Ndërsa për të ndjekur nga afër ndeshjen e FC Kosova në München ka qëndruar edhe ylli i muzikës rap Gold AG i cili ju ka dhënë përkrahje morale gjithë ekipit të futbollistëve, trajneri Kaqkini meritë e të cilit është dhe gjithë suksesi i këtij ekipi të mrekullueshëm.
Portieri Hallunaj dhe mesfushori Baci, po japin kontributin e tyre maksimal per keto rezultate dhe drejtuesit e klubit por edhe stafi teknik, jane shume te kenaqur me paraqitjet e tyre duke i konsideruar pjese e rendesishme e ekipit te tyre.
