Boksierët e Vllaznisë nuk e kanë ndërprerë për asnjë moment stërvitjen edhe gjatë kësaj periudhe pavarësisht temperaturave të larta që ekzistojnë.
Tashmë e gjithë vëmendja e stafit të trajnerëve dhe e sportistëve është e përqendruar tek kampionati kombëtar që do të zhvillohet në muajin tetor.
Sipas informacioneve paraprake që vijnë nga Federata Shqiptare e Boksit, edhe kampionati i këtij viti do të zhvillohet në pallatin e sportit “Qazim Dervishi” të Shkodrës.
Arsyeja është e qartë se ky qytet i bën pritjen më të mirë sportistëve për një aktivitet të tillë të rëndësishëm.
Ekipi i Vllazninë nën drejtimin e kryetrajnerit Zef Gjoni padyshim që do të synojë titullin kampion edhe këtë vit. Natyrisht qe nuk do te jete e lehte sepse edhe kundershtaret do te pergatiten si duhet per kete eveniment.
Per kete arsye, pritet qe ne ditet e zhvillimit te ketij kampionati, te kete shume rivalitet dhe ndeshje te bukura ne mes boksiereve pjesmarrese.
www.shkodrasport.com
