Futbolli i moshave në Shkodër nuk është vetëm ai i Akademisë Vllaznia. Në këtë qytet por edhe në rrethina ekzistojnë edhe shumë ekipe të tjera të cilët japin kontributin e tyre për masivizimin e këtij sporti por edhe për nxjerrjen e lojtarëve cilësorë.
Shpeshherë ekipet e periferive janë krijuar vetëm falë pasionit të njerëzve të veçantë. I tillë është edhe rasti i Ferit Pusit, pasionantit të madh të futbollit që prej 16 vitesh bën edhe punën e trajnerit. Ka krijuar ekipin e Oblikës për moshat, prej vitesh është pjesë e shoqatës The Door dhe jo vetëm kaq.
Pasioni i tij i madh për këtë lojë, e ka bërë atë që të ndërtojë edhe një fushë futbolli në Oblikë të cilën e ka vënë në shërbim të komunitetit të kësaj zone por edhe të futbollistëve të vegjël që mësojnë këtu ABC-në e futbollit dhe më pas kalojnë në ekipe të tjera.
Të mos harrojmë se nga duart e Ferit Pusit ka kaluar edhe ish- futbollisti i Vllaznise dhe aktualish i Flamurtarit Olsi Gocaj, po ashtu edhe futbollisti tjetër i ekipit Skenderbeu tashme Belajdi Pusi (i biri) apo dhe lojtarë të tjerë të talentuar si Mirjon Shkambi apo dhe Gledian Pusi i cili sëfundi është grumbulluar edhe me kombëtaren U18.
Meritën për të gjithë këtë e ka Feriti, për të cilin dita e sotme është e veçantë. Sot ai feston 51 vjetorin e lindjes dhe gazeta “Shkodra Sport” i uron edhe 100 vite të tjera të lumtura atij!
© shkodrasport.com
