Me fitoren e fundit ndaj Dinamos, Egnatia siguroi matematikisht vendin e parë për 36 javët e kampionatit të këtij sezoni. Rrogozhinasit ia dolën që të mbanin kreun për shumë javë, duke mos e lëshuar deri në fund të kompetcionit. Por misioni nuk përfundon këtu, pasi Egnatia ka përpara finalën e Kupës përballë Kukësit dhe ndeshjet e “Final 4”. Pikërisht për këto tema dhe të tjera, mesfushori i Egnatias, Fernando ka folur para mediave.
– Fernando, si ndiheni pasi keni siguruar vendin e parë për këtë sezon?
“Përshëndetje! Jam në një klubshumë të mirë dhe ambicioz. Është kënaqësi të jesh në vend të parë do të thotë që puna po bëhet mirë dhe kemi punuar fort, jam i kënaqur dhe dëshiroj më shumë sukse të klubit dhe individuale!”.
– Këtë arritje ia dedikuat të ndjerit Rafael Dwamena, si u përjetua në dhomat e zhveshjes?
“Unë nuk ia dedikoj vetëm këto suksese një personi, por ia dedikoj të gjitha golat dhe fitoret e mia, sepse e kam për mua shembull të madh të jetës, për mua ai është JEZUSI ose RAFHAEL për të arritur individualisht, profesionalisht dhe për të parë se çfarë kam bërë dhe do bëj dhe unë ndjek ungjillin e Deusit ( Dwamena)”.
– Sa shanse keni të shpalleni kampion këtë sezon?
“Të luash një finale të Kupës është gjithmonë e vështirë, sepse luhet vetëm një ndeshje në krahun tjetër dhe kemi edhe një kundërshtar të kualifikuar që meriton gjithçka dhe respekt si Kuksi… por le të shkojmë me impenjim dhe forcë maksimale dhe të japim gjithçka për kupë e kampionate për të marrë titujt dhe për të pasur një lojë perfekte, të bukur ashtu si luan Egnatia, sezonin sepse ne do të fitojmë edhe Raphaelin. Gjithçka është në rregull në skuadër dhe ne meritojnë të fitojmë gjithçka!”.
– Të duket e drejtë formula e “Final Four”?
“Sinqerisht, nuk jam shumë dakord, por ajo është vendosur dhe ne do ta dëshmojmë vlerën tonë përmes asaj formule kampionati. Sepse në fund të fundit ka pasur konkurencë dhe ne i jemi përshtatur mirë”.
– Cili është ekipi që i druheni më shumë në luftën për titull?
“Nuk mund të veçoj asnjë ekip. Egnatia shikon punën dhe objektivat e saj. Të bëjmë mirë punën tonë”.
– Do të luani me Kukësin finalen e Kupës, ndjeni presion pasi niseni favorit për të fituar?
“Të luash futboll nuk më bën asnjë presion, presioni ishte kur u largova nga shtëpia në moshën 15 vjeç për të jetuar vetëm dhe për t’u kthyer në ëndrrën time të asaj që ishte të ishe futbollist. Unë respektoj çdo kundërshtar por presion apo frikë nuk kam nga asnjëri”.
– Nuk keni rinovuar ende kontratën me Egnatian, do qëndroni në Rrogozhinë?
“Sinqerisht kjo çështje është se unë preferoj të mos humbas fokusimin tek ndeshja e radhës, tek objektivat. Agjenti im po kujdeset për të gjithë gjërat ne në prapaskenë,. Jam i fokusuar tek objektivat, lë gjithçka me qëllim që të fitojmë këtë ndeshje e sfidat përfundimtare, nuk dua të humbas fokusin, dua të jem në të njëjtin nivel. për të hyrë në fushë dhe për të treguar për të bërë sa më mirë paraqitjen time dhe tu ofrojmë fansave rrogozhinas të zjarrtë ndeshje të mëdha. Jam i impenjuar për të mbajtur fjalën me çresidentin Demrozi, drejtor Klejdin dhe mister Tetovës”.
