Vetëm përpara pak kohësh, ekipi i Feronikelit ka zyrtarizuar arritjen e marrëveshjes me ish-portierin e Skënderbeut, Denis Troshupa.
Megjithatë kjo nuk pritet të jetë zgjedhja e parë e trajnerit Sulejman Starova për sezonin e ardhshëm.
Sipas asaj që raporton “Gazetasheshi”, Feronikeli ka nisur kontaktet edhe me portierin e Kukësit, Enea Koliçi.
Ky i fundit ishte portieri më i mirë në Superiore gjatë edicionit të shkuar kur verilindorët fituan titullin kampion, pavarësisht problemeve që ka hasur së fundmi.
Një lëvizje e tillë mund të vijë në një kohë kur Kukësi ka zyrtarizuar marrëveshjen me Faton Malokun, që aktivizohej pikërisht me Feronikelin dhe i ka hapur hapësirën portierit shqiptar në klubin që drejtohet nga tekniku shqiptar, Sulejman Starova. /vipsport/
