Ka ditë që duket se janë të shkruara nga fati. Ato që i ngjajnë përrallave dhe që nuk mund të mos kenë një fund të bukur. Është folur shumë në muajt e kaluar për transferimin milioner të Facundo Colidio nga Boca Juniors tek Inter: një operacion prej 6 milionë eurosh për një lojtarë të lindur në vitin 2000 dhe shumë premtues, i cili po regjistron që tani shifra prej një lojtari të madh. Dhe në ndeshjen e tij të parë në “San Siro”, Colido ka vendosur Superkupën Primavera (kompeticion i ekipeve të moshave të skuadrave italiane), duke mundur Roma-n me rezultatin 2-1 më një dygolësh dhe duke i dhuruar trajnerit Stefano Vecchi trofeun e katërt në stolin e të rinjve të Inter në katër sezone.
Me pak fjalë, një lojtar i përzgjedhur nga fati. Dhe populli zikaltër çmendet pas tij. Pasi kishin kaluar pak më shumë se 100 sekonda, Colidio është prezantuar në “San Siro” në mënyrën më të mirë të mundshme, duke shënuar. Ka vjedhur topin në krah, ka kaluar kundërshtarin dhe ka nisur kundërsulmin fitues duke pasuar te Emmers dhe duke finalizuar vetë aksionin. Por Roma-s i kanë mjaftuar tri minuta për të barazuar me një gol të bukur të Marcucci-t. Inter është frikësuar pas këtij momenti, ndërsa Roma ka marrë kontrollin e ndeshje dhe vetëm një Pissardo në formë të shkëlqyer ka arritur t’i mohojë golin Riçardi-t. Në fundin e pjesës së parë, Inter ka pasur dy raste të pastra me Odgaard dhe Brignoli, por verdhekuqtë kanë arritur të shpëtojnë.
Pjesa e dytë ka qenë më pak spektakolare dhe emocionet kanë ardhur në fund, por Inter ka shpërdoruar goditjen e “KO”-së me Sala dhe Rover dhe ndeshja ka shkuar në shtesë. Në kto minuta Colidio ka kompletuar përrallën e tij me një rovshiatë dy minuta para fundit. Festa ka qenë për Inter-in dhe trajnerin Vecchi. Ndoshta, tani mund të ëndërrohet edhe në Youth League.
