Miliona shikues në të gjithë botën mund të kenë fërkuar sytë pak çaste pas fillimit të ndeshjes së sotme në Kupën e Botës mes Gjermanisë dhe Meksikës për shkak të një gafe që bëri FIFA, duke i dhuruar përfaqësueses gjermane tre gola pak çaste pas fillimit të ndeshjes.
Kur shënohej sekonda e 19 e ndeshjes, në një cep të ekranit u shfaq rezultati 3-0 për Gjermaninë, një gabim i regjisë ndërkombëtare e cila i fali 3 gola kampionëve në fuqi të turneut.
FIFA është përgjegjëse për transmetimin ndërkombëtar dhe ai gabim bëhej nga kompjuteristët e saj, në qendrën ku prodhohej sinjali ndërkombëtar që shpërndahej më pas në gjithë botën.
Më pas FIFA e kuptoi gabimin dhe e kaloi gjithçka në 0-0, ndërsa Gjermania as nuk iu afrua parashikimit, pasi u mund me rezultatin 1-0 nga Meksika.
