Futbollisti legjendar, Samuel Eto’o ka marrë një dënim nga FIFA për thyerje të rregullave në Kupën e Botës për femra U20. Eto’o është akuzuar për shkelje të rregullave të sjelljes në Kupën e fundit të Botës U-20 për gra gjatë një ndeshjeje mes Kamerunit dhe Brazilit. Ai është ndaluar për gjashtë muaj dhe është sanksionuar për shkelje të artikujve që lidhen me sjellje fyese dhe sjellje të pahijshme.
Komiteti Disiplinor i FIFA-s lëshoi një deklaratë duke thënë: “Komiteti Disiplinor i FIFA-s ka sanksionuar Presidentin e Federatës së Futbollit të Kamerunit (FECAFOOT), Samuel Eto’o, me një ndalim gjashtëmujor nga ndjekja e ndeshjeve të ekipeve përfaqësuese të Kamerunit për shkelje të nenit 13 ( Sjellje ofenduese dhe shkelje të parimeve të lojës së ndershme) dhe 14 (Sjellje e pahijshme e lojtarëve dhe zyrtarëve) të Kodit Disiplinor të FIFA-s.
Sanksioni u vendos në lidhje me ndeshjen e raundit të 1/8 së Kupës së Botës U-20 të FIFA-s për femra mes Brazilit dhe Kamerunit të luajtur në Bogotá, Kolumbi, më 11 shtator 2024. Ndalimi i vendosur ndaj z. Eto’o e pengon atë të marrë pjesë ndeshjet e të dy gjinive që përfshijnë ekipet e FECAFOOT të të gjitha kategorive dhe grupmoshave. Z. Eto’o është njoftuar sot, data në të cilën sanksioni hyn në fuqi.”
Ndalimi i Eto’o nuk është hera e parë që ai është në qendër të vëmendjes për sjellje jo të mirë. Ish-sulmuesi i Barcelonës dhe Chelseat më parë pretendohej se kishte kërcënuar lojtarët dhe trajnerin e Kamerunit, Marc Brys dhe gjithashtu kishte sulmuar një tifoz jashtë një stadiumi gjatë Kupës së Botës në Katar në 2022.
Nuk dihet nëse Eto’o do të kthehet në rolin e tij pasi të përfundojë dënimi prej gjashtë muajsh. Sido që të jetë, ai nuk po përfaqëson kombin e tij jashtë fushës, ashtu siç kishte bërë vite më parë në fushë.
