Një nga ndeshjet më të forta të javës së 32-të në kampionatin italian, është ajo që do të zhvillohet mes Milanit dhe Napolit.
Futbollisti më i rrezikshëm në krahun e kuqezinjve, është mesfushori Suso.
Në një prononcim për “Televomero”, ish-mesfushori i Napolit, Francesco Montervino është shprehur se në këtë ndeshje nuk do shkëlqej mesfushori i Milanit, pasi do e mbulojë në mënyrën e duhur Elseid Hysaj.
“Sipas gjykimit tim ndeshja Milan-Napoli nuk do të jetë e Susos. Napoli do të jetë me fat në këtë takim pasi mbulimin e këtij futbollisti, do ia besojnë Elseid Hysaj.
Mbrojtësi shqiptar do ta ndalojë mesfushorin spanjoll, pasi është shumë i fuqishëm me këmbët e tij”, ka thënë Montervino. /vipsport.
