Brazili ka eliminuar në ditën e sotme Meksikën falë golave të Nejmarit dhe Firminos. Ajo që u vu re edhe në këtë takim, ishin simulimet e tepruara të yllit brazilian, Nejmar, që e tejkalonin kufirin e normales.
Kjo ka bërë që edhe dy figura të futbollit botëror, Gary Lineker dhe O’Neill të reagojnë ndaj veprimeve të futbollistit të PSG-së, duke mos u kursyer me ironitë e tyre.
“Nejmar ka pragun më të ulët të durimit të çdo lojtari në Botëror”, ka thënë në faqen e tij në “Twitter” ish-sulmuesi legjendar i Anglisë.
Nga ana tjetër edhe trajneri i Irlandës, Martin O’Neill nuk është kursyer ndaj futbollistit të Brazilit:
“Unë nuk do të dëshiroja ta shihja atë pasi të kishte dalë nga mjekët dhe të kishte bërë një injeksion”, ka thënë Martin O’Neill. /vipsport/
