Elhan Kastrati ka mbyllur zyrtarisht aventurën me fanellën e Peskarës, teksa ish-gardiani i Shpresave është shndërruar në futbollistin më të ri të Trapanit, po në Serinë B. Në këtë klub 22-vjeçari do ketë mundësinë për të pasur një vend si titullar fiks, ku mund të tregoj aftësitë e tij e të promovohet edhe më shumë.
Ndërkohë, me anë të një postimi në Instagram, Kastrati ka shprehur mirënjohje për ish-qytetin e tij, duke theksuar se do mbetet gjithnjë një tifoz i Peskarës.
“Kam ardhur para shtatë viteve në këtë qytet fantastik dhe që më bëri burrë. U kthye në shtëpinë time ku në gjithë këto vite kam njohur persona të mrekullueshëm që do të mbeten gjithnjë në mendjen time dhe do jetë e vështirë të largohem.
I falënderoj të gjithë ata që patën besim te mua e mbi të gjitha falënderoj ata që nuk ishin edhe aq besues sepse falë tyre kam arritur të përmirësohem gjithnjë e më shumë. Do bëj gjithnjë tifo për Peskarën sepse tashmë është pjesë e imja”, shkruante portieri para se të nisë aventurën me Trapanin./VipSport/
