Pas përfundimit të dy ndeshjeve gjysmëfinale të Kupës së Shqipërisë në futboll për femra, janë përcaktuar edhe dy skuadrat finaliste që do të diskutojnë me njëra- tjetrën fitoren e këtij trofeu.
Njëra është Vllaznia, kampionia dhe fituesja në fuqi e Kupës, si dhe Tirana AS. Tashmë pritet vetëm vendimi se kur do të luhet kjo ndeshje dhe ku.
Një alternativë ka qenë mesa duket edhe zhvillimi i saj në stadiumin “Loro Boriçi” por duket se ajo ka rënë poshtë ngaqë ekipi kryeqytetas nuk e ka pranuar një gjë të tillë.
Me shumë të ngjarë, kjo finale do të zhvillohet javën e ardhshme në “Elbasan Arena”, pikërisht të mërkurën që vjen.
Megjithatë deri më tani ende nuk ka një vendim zyrtar për këtë gjë. Dy ekipet finaliste janë në pritje të vendimit të FSHF-së.
© shkodrasport.com
