Siç kemi bërë të ditur, pjesë e Akademisë së Fiorentinës është edhe futbollisti shkodran Erald Lakti, i cili luan në rolin e mesfushorit me
ekipin e të rinjve dhe madje mban edhe shiritin e kapitenit.
Ai është një pikë e rëndësishme e këtij ekipi dhe njëkohësisht drejtuesit e klubit e kanë në planet e tyre për të ardhmen.
Jo më kot, ditën e sotme në faqen zyrtare të klubit të Fiorentinës ka një artikull në lidhje me grumbullimin e këtij futbollisti me Kombëtaren U-19 të Shqipërisë për tre ndeshjet zyrtare që ajo do të zhvillojë në ditët e ardhshme.
“Mesfushori i ekipit Primavera të Fiorentinës, Erald Lakti, është ftuar nga Erjon Bogdani, trajner i Shqipëria U-19 për tre ndeshjet kualifikuese të Kampionatit të ardhshëm europian të kësaj kategorie.
Kombëtarja shqiptare do të ndeshet me Ukrainën (10 tetor), Sllovakinë (13 tetor) dhe Norvegjinë (16 tetor)”- shkruhet në “fiorentina.it”.
© shkodrasport.com
