Brazilit i është dashur një pjesë e dytë e shkëlqyer për të fituar miqësoren e sotme ndaj Republikës Çeke e për të harruar sa më parë atë që kishte shfaqur ndaj Panamasë në barazimin 1-1 të katër ditëve më parë.
Me një ekip që po mundohet të përshtatet me lojën pa Nejmar të dëmtuar, brazilianët i besuan përsëri sulmin katërshes Pakueta-Kutinjo-Riçarlison-Firmino.
Por loja e skuadrës la shumë për të dëshiruar në pjesën e parë dhe goli i avantazhit nga Pavelka ishte mëse i merituar në fundin e pjesës së parë.
Në pjesën e dytë, situata ndryshoi plotësisht sidomos pas golit të Firminos që barazoi shifrat, pasi “seleçao” dominoi dhe krijoi raste të panumërta.
Gjithsesi, për të marrë një fitore ndaj çekëve u desh hyrja në fushë e Gabriel Zhezus, i cili brenda pak minutash shënoi dy herë për të vulosur fitoren 3-1 të ekipit të tije për të treguar potencialin e jashtëzakonshëm që vazhdon të ketë kjo skuadër edhe pa Nejmar në përbërje. /vipsport/
