Mbrëmjen e sotme ka ardhur një tjetër firmë e rëndësishme tek Vllaznia.
Mbrojtësi lezhjan Renato Malota ka rënë dakord të jetë pjesë e kuqebluve edhe në sezonin e ri.
Marrëveshja e arritur prej disa ditësh, është konkretizuar sonte me hedhjen e firmës në kontratë.
Në këtë mënyrë, tashmë trajneri Lika duket shumë më i qetë sepse skuadra edhe në mbrojtje duket e kompletuar.
Me marrjen edhe të Malotës, rritet numri i lojtarëve në dispozicion për këtë repart.
Siç dihet, më parë kanë firmosur edhe rumuni Dan Ignat dhe vlonjati Valto Zeqaj.
Po ashtu, pjesë e mbrojtjes janë edhe dy shkodranët, Pjeshka e Gurishta dhe për këtë arsye, skuadra duket shumë e kompletuar në prapavijë.
Mbetet për t’u parë vetëm mënyra si do ta rreshtojë atë në fushë stafi teknik.
© shkodrasport.com
