Vllaznia merr një tjetër sulmues. Kuqeblutë kanë federuar në orët e fundit të mbylljes së merkatos për të huajt, edhe një futbollist tjetër.
Bëhet fjalë për sulmuesin nigerian Eziamaka Collins Ikenna. 21 vjeçari në fakt ende nuk ka mbërritur në Shqipëri megjithatë, drejtuesit kuqeblu pasi janë bindur për aftësitë e tij, kanë arritur edhe akordin financiar.
Eziamaka ndodhet ende në vendin e tij derisa të marrë vizën për të ardhur në vendin tonë dhe brenda javës tjetër kjo gjë pritet të realizohet, për t’iu bashkuar pastaj menjëherë skuadrës në stërvitje.
Me marrjen edhe të këtij futbollisti, tashmë bashkë edhe me brazilianin Rodrigues, sulmi i Vllaznisë duket i kompletuar.
Aq më tepër kur trajneri Lika do të ketë në dispozicion edhe të riun shkodran Pusi apo dhe ndonjë alternativë tjetër nga kontigjenti aktual.
© shkodrasport.com
