Gardiani i Atalantës, Pierluixhi Golini, arriti në pjesën e dytë të sezonit t’ia rrëmbejë postin e titullarit portierit të kombëtares kuqezi, Etrit Berishës.
Ai u bë zgjedhja e parë e trajnerit Gasperini duke mbyllur një sezon fantastik, me zikaltrit nga Bergamo që arritën një kualifikim historik për në Ligën e Kampionëve.
Por nëse në fushë gjërat po shkojnë mjaft mirë për 24-vjeçarin, jashtë saj nuk po ndodh e njëjta gjë. Së fundmi, mësohet se ai i ka dhënë fund marrëdhënies me modelen superseksi, Xhulia Provedi, ku ka qenë kjo e fundit që e ka bërë publike ndarjen nga portieri, me anë të një postimi në “Instagram”.
