Juventus mori një fitore të madhe mbrëmjen e kësaj të marte, teksa mposhti 3-0 Atleticon e Madridit për të kaluar në fazën çerekfinale të UEFA Champions League. Cristiano Ronaldo realizoi të tre golat e takimit të zhvilluar në “Allianz Stadium”.

E bashkë me kualifikimin, Juventus mbushi edhe arkat e klubit. Bardhezinjtë fituan plot 5.5 milionë euro nga biletat e shitura për këtë takim, duke tejkaluar rekordin e mëparshëm prej gati 5 milionë euro.