Kukësi fitoi ndaj Dinamos, por për trajnerin Enekeldi Dobi rëndësi kanë gjëra të tjera.
Ai theksoi se po provohen disa ndryshime në sistemin e lojës dhe qëllimi kryesor është që të krijohet stabilitet në skuadër, që Kukësi të dijë të mbrohet dhe të sulmojë më mirë.
“Jemi në një fazë ose më mirë minifazë përgatitore. Kemi tri javë kohë dhe them që stërvitja më e mirë është ndeshja.
Ndoshta kushtet nuk ishin në atë që dëshirojmë të gjithë, pasi duam të punojmë disa skema, të shohim pjesë të caktuara të lojës.
Kemi kohën të provojmë disa ndryshime në sistem, në lojë, në fazën e tranzicionit, në mbrojtje dhe në sulm.
Kërkojmë që kjo të jetë e realizueshme, sepse është më mirë t’i bëjmë gabimet në miqësore se në ato zyrtare. Lojtarët në provë janë të rinj me perspektivë. Unë përkushtohem më shumë te gjithë ekipi, mënyra si funksionon”, deklaroi Dobi për “Panorama Sport.
