Pas suksesit ditën e djeshme në Vlorë ndaj Flamurtarit, ekipi i Vllaznisë nuk ka patur kohë të pushojë por ditën e sotme i është rikthyer menjëherë stërvitjes pasi të dielën do të luajë ndeshjen e rradhës.
Dhe sërish në transfertë, këtë herë në Laç ndaj skuadrës vendase. Ekipi ka zhvilluar mesditën e sotme seancën e rradhës dhe në dispozicion të stafit teknik kanë qenë të gjithë futbollistët me përjashtim të brazilianit Hygor që ka sërish probleme me pulpën e tij dhe po zhvillon fizioterapi me shpresë që të bëhet gati për sfidën e rradhës.
Kjo behet e ditur nga vete faqja zyrtare e klubit shkodran ne te cilin raportohet se pjesa tjetër e skuadrës do të jetë e gjitha e gatshme për ndeshjen dhe kuptohet që në rradhët e lojtarëve por edhe tek stafi teknik ka besim se mund t’ia dalin të marrin pikë edhe në Laç.
Vllaznia ka treguar se për të nuk është problem nëse i luan ndeshjet në Shkodër apo jashtë saj sepse objektivi mbetet i njëjtë për çdo ndeshje: Synohet vetëm fitorja. Kështu do të ndodhë edhe këtë herë dhe të dielën kuqeblutë udhëtojnë me optimizëm drejt Laçit për sfidën e rradhës.
