Trepikëshi i rradhës që kuqeblutë morën të shtunën e kaluar ndaj Veleçikut, u ka dhënë edhe më shumë qetësi atyre për vazhdimin e kampionatit.
Të shkëputur pesë pikë nga Dinamo e vendit të dytë, ata kanë mundësinë tashmë të kontrollojnë kampionatin. Sakaq, për fitoren e fundit futbollistët e Vllaznisë kanë marrë një “dhuratë” nga ana e trajnerit Lika.
Ai i ka lënë dy ditë pushim ata, kuptohet duke shfrytëzuar edhe ndërprerjen e kampionatit për shkak të ndeshjeve të kombëtare.
Kështu, përveç të dielës që është gjithnjë pushim zakonisht, lojtarët e Vllaznisë edhe ditën e sotme e kanë patur pushim duke e shfrytëzuar atë për të kaluar më shumë momente me familjet e tyre.
Nga nesër ndërkohë do të nisë puna për ndeshjen e rradhës, atë që do të luhet fundjavën tjetër po në Shkodër, këtë herë ndaj Erzenit.
© shkodrasport.com
