Armando Vajushi u afrua te Teuta në fundin e merkatos së janarit. Shkodrani nuk ka debutuar ende me fanelën durrsake pasi vuan nga një dëmtim në gju dhe nuk është ende formën e duhur. Vajushi është stërvitur i diferencuar nga pjesa tjetër e skuadrës si dhe ka kryer terapi ekstra për të qenë sa më shpejt gati.
Por duket se pritja për të parë Vajushin me Teutën është drejt fundit. Një gjë të tillë e konfirmon fizioterapisti Ervin Kapaj me anë të një postimi në Instagramin e tij me mbi shkrimin: Loading 90%.
Nga mbishkrimi i Kapajt vihet re që sulmuesi shkodran me shumë mundësi mund të jetë gati që në ndeshjen e radhës ndaj Skënderbeut.
