Jurgen Klopp ka thënë se ndihet i emocionuar pasi ka pranuar detyrën e parë në botën e futbollit, pas largimit nga Liverpooli në fund të sezonit 2023/24.
Klopp po bën rikthimin e tij në futboll, megjithëse në një rol tjetër, pasi ai do të fillojë si Shefi Global i Futbollit të Red Bull nga 1 janari 2025.
Ish- trajneri i Liverpoolit ndau entuziazmin e tij pasi pranoi rolin dhe tha se pasioni për futbollin është ende i njëjtë.
“Pas gati 25 vitesh në fushë, nuk mund të isha më i emocionuar për t’u përfshirë në një projekt si ky”, ka thënë fillimisht Klopp.
“Roli mund të ketë ndryshuar, por pasioni im për futbollin dhe njerëzit që e bëjnë lojën atë që është nuk ka ndryshuar”, përfundoi gjermani.
Ndryshe, Klopp thuhet se ka një klauzolë të veçantë në kontratën e tij, duke iu lejuar nënshkrimi me kombëtaren e Gjermanisë, në rast të ndonjë oferte. /Telegrafi/
