Mbrëmjen e sotme Kamza luan në fushën e Vllaznisë, ku i duhet të evitojë humbjen për të ruajtur pozicionin që ka, për të qenë përpara skuadrës shkodrane në renditje dhe për të pasur më shumë siguri për qëndrimin në Superiore.
Klubi shkodran ka hapur dyert e stadiumit për tifozët e vet, më saktë tribunën përballë të “Loro Boriçit”.
Por edhe Kamza ka reaguar menjëherë dhe ka ftuar tifozët e saj të shkojnë në Shkodër për të mbështetur ekipin.
Udhëtimi i tifozëve të Kamzës, por edhe hyrja në stadium, do të jenë gratis.
Nxehet shumë orë përpara nisjes së saj finalja e mbijetesës në “Loro Boriçi”, ku atmosfera pritet të jetë vërtet e nxehtë. / Vipsport/
