Flamurtari reagoi pas humbjes së djeshme me Laçin duke pretenduar se kurbinasve iu akordua një penallti e paqenë në minutën e 50-të.
Në një reagim zyrtar në “Instagra”, klubi bregdetar pretendon se gjatë aksionit të Laçit në zonën e Flamurtarit njëri prej lojtarëve të Laçit ndodhej në pozicion jashtë loje.
Sipas kuqezinjve, penalltia e dhënë për Laçin është nul përderisa aksioni duhej të anulohej për pozicion jashtë loje.
Në të njëjtën kohë, Flamurtari iu kundërpërgjigj dhe trajnerit të Laçit Armando Cungu, i cili kritikoi skuadrën vlonjate pasi u impenjua fort ndaj kurbinasve, ndryshe nga shumë takime të tjera.
Flamurtari shprehet se Cungu duhet të shikojë mënyrën se si fiton Laçi.
