Ka luajtur vete futboll, madje shume vite me perpara kur ka qene tejet e veshtire per femrat ta ushtronin kete sport, ndersa sot po mundohet te injektoje tek vajzat e vogla deshiren per t’u marre me te.
E kemi fjalen per nje emer te njohur, Loreta Jakun, e cila tashme eshte trajnere moshash tek “Juban Danja”, teksa dy dite me pare eshte shpallur kampion me ekipin U13 ne Ligen Amatore te Zones se Shkodres.
“Shkodra Sport” ka kontaktuar me te duke i marre nje interviste ne kuadrin e rubrikes “Flasin trajneret kampione” dhe Loreta na ka dhene emocionet qe ka perjetuar tek ky sukses, emocione qe ajo i shpreh edhe ne pyetjet e bera nga ana e gazetares Fabiola Caka te cilat mund t’i ndiqni me poshte:
– Çfare do te thote per ty te jesh trajnere kampione?
Per mua eshte nje kenaqesi e veçante por edhe nje privilegj i madh te arrijme kete titull. Per kete dua te falenderoj me gjithe zemer te gjitha lojtaret e skuadres dhe ato qe u angazhuan seriozisht per te arritur kete trofe. Besoj se te te shperblehet puna me titullin ne fund, eshte synimi i çdo trajneri apo sportisti.
– Kishit emocione pas fitores?
Ne çdo ndeshje dhe fitore ka emocion, ka konkurrence, ka nje kembengulje per te arritur tek trofeu. Perveç emocionit te te qenurit kampion, dua te permend edhe nje emocion te veçante qe vjen nga brohoritja e skuadres.
Ne luajme per kenaqesine qe na ofron ky pasion per lojen e bukur te futbollit ne te cilin shpesh hasim edhe zhgenjime, por natyrshem emocionet e titullit kampion behen nje motivim i madh per t’i kapercyer keto momente qe jane mese normale ne boten e futbollit.
– Kujt i’a dedikoni kete sukses te pare ne karrieren tuaj?
Nje dedikim i veçante normalisht shkon per familjen time, per kushtet dhe hapesiren qe me krijoi per t’u marr me sport. Por dua te shpreh nje falenderim edhe per te gjithe prinderit dhe familjaret qe bejne sakrifica ne angazhimin e vajzave ne futboll.
Falenderoj te gjithe familjen Jaku me ne krye presidentin e ekipit Ferdinand Jakun, per kurajon dhe vendosshmerine e tij per ta nisur dhe per t’a mbajtur gjalle futbollin e femrave. Bashkeshorten e tij, Eliziana Jaku e cila ka qene kolege e imja dhe e falenderoj per kontributin e saj ne futboll. Falenderoj gjithashtu edhe dy vajzat, Emanuela dhe Paula Jaku per punen e tyre si lojtare por edhe si trajnere. Nje sukses i arritur ne grup fale punes se palodhur te gjithsecilit.
– Çfare kishte te veçante ky titull?
E veçanta kete vit ishte sepse u krijua nje kampionat vetem per vajza pasi vitet tjera kemi pasur kundershtare edhe ekipe me djem. Natyrisht çdo skuader e deshiron kete titull dhe kjo vjen vetem me merita. E them me plote bindjen pasi kam pare nje konkurrence shume te forte dhe nivel mjaft te mire te skuadrave kundershtare.
– A ka elemente qe premtojne tek ky ekip?
Ekipi i Juban-Danjes perbehet nga 22 vajza dhe padyshim jane vajza qe premtojne per te ardhmen. Korrektesia, kembengulja dhe pasioni qe keto vajza tregojne ne stervitje dhe ne ndeshje, me bejne te ndihem optimiste dhe e sigurte per te ardhmen e tyre.
Intervistoi: Fabiola CAKA
