Pikërisht atëherë kur duhej të ishte një atmosferë tjetër, pasi Vllaznia është vetëm 4 pikë larg sigurisë matematikore për rikthimin në nivelin më të lartë të Kampionatit Kombëtar të Futbollit, në Kategorinë Superiore, klubi shkodran është sërish në një amulli dhe atmosferë të tensionuar.
I kontaktuar nga Rrjeti i RTSH me telefon, drejtori i klubit të Vllaznisë, Engin Fërat, ka pohuar se pritet një takim me Ademin. “Unë nuk kam qenë aty gjatë këtyre ditëve dhe as kur Canaj u prezantua si trajner për shkak të impenjimeve të ndryshme që kam patur në Turqi, si për arsye personale, ashtu edhe për arsye profesionale, – ka pohuar 48-vjeçari, duke folur nga Stambolli.
“Pak para bisedës me ju, kam patur një telefonatë me kryetaren e Bashkisë së Shkodrës, Voltana Ademin, me të cilën do të zhvillojmë një takim sapo të kthehem. Kaq mund të them për momentin, pasi duhet të jem aty që të mësoj më tepër”, – ka përfunduar drejtori turk i Vllaznisë.
Ne fakt edhe vete klubi shkodran ka thene te njejten gje teksa ne deklaraten e shperndare per mediat ka deklaruar se shume shpejt do te dalin edhe vendimet e duhura per te ndeshkuar ata qe bene veprime antisportive.
