Gazetari i njohur sportiv italian, Alberto Brandi në një intervistë të gjatë dhe shumë interesante në emisionin “Zona 30” në RTSH 1, flet mes të tjerave edhe për ecurinë e kombëtares shqiptare duke veçuar një lojtar, Kristjan Asllanin.
Ai eshte ndalur edhe tek kombetarja italiane per te cilen eshte shprehur se e ka detyrimin kualifikimin ne Europian sepse nuk ka kuptim qe ajo te jete ne bishtin e futbollit te rendesishem.
“Duhet të kualifikohet me çdo kusht sepse futboll italian nuk mund të jetë në bishtin e futbollit të rëndësishëm. Munguam dy herë në botëror dhe është një tragjedi po të mendosh që fëmijët për 12 vjet nu shikojnë Italinë në një botëror e kjo është e pabesueshme, e pakonceptueshme. Kemi ndryshuar trajner në muajin gusht dhe jemi në duart e një trajneri që ka fituar titullin duke lënë gjurmë me Napolin e madje me futboll shumë të bukur që u cilësua i tillë edhe në nivelin ndërkombëtar.
Mendoj që është vendimi i duhur për të ripropozuar futbollin tonë në nivel ndërkombëtar. Duhet të rikthejmë entuziazmin tek të rinjtë në mënyrë që ata të zgjedhin ta dëshirojnë fanellën e kaltër. Ju jeni një shembull i tillë, lojtarët që veshin fanellën e Shqipërisë janë rritur me dëshirën për të mbrojtur ngjyrat e vendit të tyre dhe këtë dëshirë në Itali duhet ta ringjallim.
Kombetarja momentalisht përjetohet si një emocion normal, vetëm kaq e madje lojtarët shikojnë me më shumë prioritet klubet. Shumë lojtarë shpesh herë i bëjnë bisht thirrjes nga kombëtarja dhe Spalletti mud të jetë njeriu i duyhur për tu rikthyer lojtarëve dëshirën për të veshur fanellën e Italisë”.
Sa i takon kombetares shqiptare, keni në drejtim një trajner të shkëlqyer që e njohim edhe në ketu në tali por edhe shumë lojtarë që janë protagonistë në kampionatin tonë e një në veçanti që meriton më shumë hapësira dhe besim te Interi, e kam fjalën për Asllanin, një lojtar shumë i mirë dhe inteligjent.
Duhet ta marrin më shumë në konsideratë por më duhet të them që është një talent që meriton shumë dhe mund t’i japë shumë Shqipërisë. Për pasionin që ka, lëvizjet në fushë por edhe për cilësitë dhe dëshirën e grintën që ka, meriton një vend në Euro 2024″- eshte shprehur gazetari Alberto Brandi
