Viti 2019 ka nisur në mënyrën më të mirë të mundshme për futbollistin e Vllaznia U19 Elmir Lekaj. Në janar mori ftesën për të qenë pjesë e kombëtares U20 duke qenë edhe një element i cili ka spikatur në të dy grumbullimet e bëra.
Nga ana tjetër, pasi i është besuar shiriti i kapitenit të ekipit Vllaznia U19, pati mundësinë ta ngrinte i pari lart trofeun e Kupës së Shqipërisë të fituar ditën e djeshme.
Për këtë arsye, vetë Lekaj përmes një postimi në faqen e tij shprehet i lumtur për këtë gjë, duke uruar edhe 100 vjetorin e krijimit të Vllaznisë.
“Jam shumë i lumtur që kisha fatin dhe mundësine ta ngreja këtë trofe bashkë me shokët e mi dhe gjithë stafin drejtues. Ne bëmë vetëm detyrën! Trofe të tjera na presin!
Gëzuar 100 vjetorin Vllazni 1919-2019”- shkruan ai.
Në fakt është gjë shumë e bukur kur karriera ka nisur në mënyrën e duhur për lojtarin i cili është nën kontratë edhe me ekipin e parë të Vllaznisë dhe pritet të jetë pjesë e tij duke nisur nga sezoni i ardhshëm.
© shkodrasport.com
