Javën e ardhshme Vllaznia do të luajë ndeshjen e Kupës së Shqipërisë ndaj Teutës së Durrësit, por duket se basketbollistët shkodranë nuk do ta kenë shumë mendjen tek ky takim. Këtë e ka bërë të ditur për mediat një nga titullarët e këtij ekipi Erjon Llazani kur shprehet:
“Kjo është një Vllazni ndryshe dhe këtë e tregojnë rezultatet e dy takimeve miqësore. Përderisa jemi duke fituar, ndryshimet në skuadër janë për mirë. Gara është shumë e fortë, sepse të gjitha ekipet po përforcohen.
Por, edhe ne jemi përforcuar dhe jemi duke luajtur më mirë. Shpresojmë që të qëndrojmë në ligë, dhe pse jo të futemi edhe në play-off. Sa i takon kupës, nuk kemi shumë pretendime. Objektivi jonë është qëndrimi në ligën, pastaj kupa është dicka tjetër”.
Ndërkohë prej disa ditësh atij i është besuar edhe shiriti i kapitenit dhe i pyetur në lidhje me këtë gjë, ai është shprehur: “Natyrisht është një kënaqësi dhe privilegj për mua të jem kapiten i skuadrës.
Por kjo ma shton edhe më shumë përgjegjësinë për të bërë më të mirën për Vllazninë në këtë periudhë në mënyrë që ajo të dalë nga gjendja ku ndodhet aktualisht”.
© shkodrasport.com
